ငြိမ်းချမ်းရေးမူ၆ချက်ကို အလေးထားဖို့ပြောတာမယုံဘူးဆိုတဲ့ကောင်တွေသေချာဖတ်

ကာချုပ်က ငြိမ်းချမ်းရေးမူ၆ချက်ကို အလေးထားဖို့ပြောတာမယုံဘူးဆိုတဲ့ကောင်တွေသေချာဖတ်မရှင်းရင် ၂ခါမကဘူးကြိုက်သလောက်ဖတ်
ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ (ပထမအကြိမ်)အခမ်းအနားတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ပြောကြားသည့် နှုတ်ခွန်းဆက်အမှာစကား
နေပြည်တော်၊ သြဂုတ် ၃၁
ပြည်ထောင်စုသမ္မတမြန်မာနိုင်ငံတော်ကြီး အဓွန့်ရှည်စွာတည်တံ့ခိုင်မြဲရေးနဲ့ နိုင်ငံသူ၊ နိုင်ငံသားများအားလုံးရဲ့ ကောင်းမွန်ပြည့်စုံတဲ့ အနာဂတ်ဖော်ဆောင်နိုင်ရေးအတွက် ဆွေးနွေးချမှတ်ကြမယ့် ပြည်ထောင်စုငြိမ်းချမ်းရေး ညီလာခံ -(၂၁)ရာစုပင်လုံအခမ်းအနားကြီးမှာ ယခုလို နှုတ်ခွန်းဆက်စကား ပြောကြားခွင့်ရတဲ့အတွက် ၀မ်းမြောက်ဂုဏ်ယူပါကြောင်း ဦးစွာပြောကြားလိုပါတယ်။ အခမ်းအနားကို တက်ရောက်လာကြသူများ အားလုံးနဲ့ ပြည်ထောင်စုသား တိုင်းရင်းသားညီအစ်ကိုမောင်နှမများ အားလုံး “ နှလုံးစိတ်ဝမ်းအေးချမ်းကြပါစေ ” လို့ နှုတ်ခွန်းဆက်သအပ်ပါတယ်။
ကျွန်တော်တို့နိုင်ငံလွတ်လပ်ရေးရရှိခဲ့တာဟာ ယခုဆိုရင် ၆၈ နှစ် ကျော်ခဲ့ပြီဖြစ်လို့ လူ့သက်တမ်းတစ်ခု နီးပါးတိုင် ရှိခဲ့ပြီဖြစ်ပါတယ်။ သို့သော်လည်းပဲ အဲဒီအချိန်ကာလနဲ့ညီမျှတဲ့ တည်ငြိမ်အေးချမ်းမှုနဲ့ ဖွံ့ဖြိုးတိုးတက်မှု မရရှိသေးတာကိုတွေ့မြင်ရမှာဖြစ်ပါတယ်။ အကြောင်းရင်းကို ဆန်းစစ်ကြည့်မယ်ဆိုရင် “ ပြည်တွင်းငြိမ်းချမ်းရေး ” တစ်နည်းအားဖြင့် တစ်တိုင်းပြည်လုံးအတိုင်းအတာနဲ့ တည်ငြိမ်အေးချမ်းမှု မရှိသေးခြင်းဟာ အဓိကကျတဲ့ အကြောင်းအရာတစ်ရပ်ဖြစ်တယ်ဆိုတာ ငြင်းကွယ်လို့မရတဲ့ အရှိတရားပဲ ဖြစ်ပါတယ်။ ဒီအတွက်လည်း ပြည်တွင်းငြိမ်းချမ်းရေးရရှိဖို့ ခေတ်အဆက်ဆက် နိုင်ငံ့ခေါင်းဆောင်များက ကြိုးပမ်းဆောင်ရွက်ခဲ့ကြပါတယ်။ ချမှတ်ကျင့်သုံးခဲ့တဲ့ မဟာဗျူဟာ၊ နည်းဗျူဟာများ ကွဲပြားခြားနား ကြသော်လည်း “ တစ်မျိုးသားလုံး ခိုင်မာတဲ့စည်းလုံးညီညွတ်မှု တည်ဆောက်နိုင်ရေး ”အတွက် အစဉ်တစ်စိုက် ဦးတည်ကြိုးပမ်း လုပ်ဆောင်ခဲ့ကြတာပဲဖြစ်ပါတယ်။ အကြောင်းအမျိုးမျိုးကြောင့် ပြီးပြည့်စုံတဲ့ စုစည်းညီညွတ်မှုနဲ့ တည်ငြိမ်အေးချမ်းမှုကို မတည်ဆောက်နိုင်သော်လည်း ခေတ်ကာလအလိုက် ငြိမ်းချမ်းရေးနဲ့ စည်းလုံးညီညွတ်မှု တည်ဆောက်ရေး ကြိုးပမ်းမှု ရလဒ်မှတ်တိုင်များကိုတော့ အသီးသီးစိုက်ထူနိုင်ခဲ့ကြပါတယ်။ တစ်နိုင်ငံလုံးအတိုင်းအတာနဲ့ ပစ်ခတ်တိုက်ခိုက်မှုရပ်စဲရေးစာချုပ် NCA ကို လက်မှတ်ရေးထိုးနိုင်ခဲ့ခြင်း၊ ပြည်ထောင်စုငြိမ်းချမ်းရေးညီလာခံကြီး ကျင်းပနိုင်ခဲ့ခြင်းနဲ့ ဒီကနေ့အခမ်းအနားကြီး ကျင်းပပြုလုပ်နိုင်ခြင်းတို့ဟာလည်း လက်ရှိလျှောက်လှမ်းနေတဲ့ ပါတီစုံဒီမိုကရေစီခေတ်ကာလ ထာဝရငြိမ်းချမ်းရေး ဖော်ဆောင်နိုင်ဖို့ ကြိုးစားအားထုတ်မှုများရဲ့ အောင်မြင်မှုရလဒ်များပဲဖြစ်ကြောင်း။
နိုင်ငံတော်ရဲ့ ငြိမ်းချမ်းရေးနဲ့ စည်းလုံးညီညွတ်မှုတည်ဆောက်ရေး လုပ်ငန်းစဉ်တွေမှာ တပ်မတော်အနေနဲ့ ခေတ်အဆက်ဆက် တက်ကြွစွာ ပူးပေါင်းပါဝင်ဆောင်ရွက်ခဲ့ပါတယ်။ ယုံကြည်ချက်၊ ခံယူချက်နဲ့ သဘောထားအမြင်တွေ ဘယ်လောက်ပဲ ကွဲပြားခြားနားနေပါစေ “ ငြိမ်းချမ်းရေးကိုမဖြစ်မနေရယူလိုစိတ် ” အပေါ်အရင်းခံပြီး ကျွန်တော်တို့ ခိုင်ခိုင်မာမာ ရပ်တည်လုပ်ဆောင်ခဲ့တာဖြစ်ပါတယ်။ စစ်ရဲ့အနိဋ္ဌာရုံတွေ၊ မငြိမ်းချမ်းမှုရဲ့ ဆိုးကျိုးတွေကို ပင်ပန်းဆင်းရဲမှု၊ သွေး၊ ချွေး၊ အသက်ခန္ဓာပေးဆပ်မှုတွေ၊ ဘ၀တွေနဲ့ရင်းပြီး တိုက်ရိုက်ခံစားရသူတွေဟာ ကျွန်တော်တို့တပ်မတော်သားများနဲ့ တိုင်းရင်းသားလက်နက်ကိုင် ညီနောင်သားချင်း တွေပဲဖြစ်ပါတယ်။ ဒါတွေကို ကျွန်တော်တို့လက်ထက်မှာ နိဋ္ဌိတံအဆုံးသတ်ဖို့ လိုအပ်နေပြီဖြစ်ပါတယ်။ ဒီလုပ်ငန်းစဉ်ကြီးကို ကျွန်တော်တို့အားလုံးရဲ့ စုစည်းညီညွတ်မှုစွမ်းအားနဲ့ အောင်မြင်စွာ အကောင်အထည်ဖော်ဆောင်နိုင်လိမ့်မယ်လို့လည်း အလေးအနက်ယုံကြည်ပါတယ်။ ဒီအတွက်ကြောင့် တပ်မတော်အနေနဲ့ “ ငြိမ်းချမ်းရေးကို မဖြစ်မနေရယူလိုစိတ်” အပေါ်အရင်းခံပြီး ခိုင်ခိုင်မာမာရပ်တည်ဆောင်ရွက်နေကြောင်း ထပ်လောင်းပြောကြားလိုပါကြောင်း။
လက်ရှိအမျိုးသားပြန်လည်သင့်မြတ်ရေးနဲ့ ငြိမ်းချမ်းရေးလုပ်ငန်းစဉ်များ ဆောင်ရွက်ရာမှာလည်း တပ်မတော်အနေနဲ့ ဒို့တာဝန်အရေးသုံးပါး အပေါ်အခြေခံပြီး နိုင်ငံရဲ့ပကတိလိုအပ်ချက်ဖြစ်တဲ့ တည်ငြိမ်အေးချမ်းရေး၊ တိုင်းရင်းသားစည်းလုံးညီညွတ်ရေးနဲ့ ဖွံ့ဖြိုးတိုးတက်ရေးမူဝါဒ ၃ ရပ် အပေါ်မှာ ရပ်တည်ပြီး အဖွဲ့အစည်းမျိုးစုံနဲ့ လက်တွဲပူးပေါင်းပါဝင် လုပ်ဆောင်နေတာဖြစ်ပါတယ်။ တပ်မတော်အနေနဲ့ ဒီလုပ်ငန်းရပ်များ အောင်မြင်ဖို့ အစွမ်းကုန်ဆောင်ရွက်သွားပါမယ်။ ဖြစ်နိုင်သည်များအားလုံးလည်း ညှိနှိုင်းဆောင်ရွက်သွားပါမယ်။ တပ်မတော်ရဲ့ငြိမ်းချမ်းရေးမူဝါဒ ၆ ရပ်ဟာဆိုရင်လည်း ကျွန်တော်တို့ ဖြတ်သန်းခဲ့ရတဲ့ အတိတ်သမိုင်းကြောင်း တစ်လျှောက်မှာ တွေ့ကြုံသိမြင်ခံစားခဲ့ရတာတွေကို လက်ရှိအခြေအနေတွေနဲ့ယှဉ်ပြီး သုံးသပ်ဖော်ထုတ်ထားတာဖြစ်လို့ နှစ်ဖက်စလုံးက လိုက်နာလုပ်ဆောင် သင့်တဲ့ အခြေခံအချက်အလက်များပဲဖြစ်ပါတယ်။ ဒီမူဝါဒတွေကို နှစ်ဦးနှစ်ဖက်ပူးပေါင်းလိုက်နာ ဆောင်ရွက်ခြင်းဖြင့် စစ်မှန်ခိုင်မြဲတဲ့ ငြိမ်းချမ်းရေးရရှိစေဖို့ အထောက်အကူပြုသည့်အပြင် အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေးလုပ်ငန်းစဉ်များကို ပိုမိုခိုင်မာအားကောင်းစေမှာပဲဖြစ်ပါကြောင်း။
ယခုကျင်းပပြုလုပ်တဲ့ ညီလာခံကြီးဖြစ်မြောက်လာဖို့အတွက် လူပုဂ္ဂိုလ်မျိုးစုံ၊ အဖွဲ့အစည်းပေါင်းစုံတို့ဟာ အချိန်၊ လုပ်အား၊ ငွေကြေးများစွာသုံးစွဲပြီး တွေ့ဆုံညှိနှိုင်းမှု၊ ဆွေးနွေးမှုတွေကို ပြည်တွင်းမှာရော ပြည်ပမှာပါ ကြိမ်ဖန်များစွာ လုပ်ဆောင်ခဲ့ရတာ ဖြစ်ပါတယ်။ လူပုဂ္ဂိုလ်အဖွဲ့အစည်းအသီးသီးရဲ့ မတူကွဲပြားခြားနားတဲ့ ရပ်တည်ချက်များ၊ သဘောထားအမြင်များနဲ့ လိုလားချက်ဆန္ဒများစွာတို့ကို အကြိမ်ကြိမ်အခါခါ တွေ့ဆုံဆွေးနွေး ညှိနှိုင်းအဖြေရှာပြီးမှ လက်ရှိအခြေအနေကို ရောက်ရှိလာခဲ့တာဖြစ်ပါတယ်။ အဖွဲ့အစည်း အသီးသီးမှာ သတ်မှတ်ထားတဲ့ရည်မှန်းချက်၊ ချမှတ်ထားတဲ့မူဝါဒရပ်တည်ချက်တွေ ရှိကြမှာပဲဖြစ်ပါကြောင်း။
ဒါတွေကို လက်တွေ့အကောင်အထည်ဖော်ဆောင်ရွက်ကြရာမှာ ဆန္ဒနဲ့ဘ၀ တစ်ထပ်တည်း မကျနိုင်တာတွေလည်း ရှိပါလိမ့်မယ်။ အဲဒီအခါမှာ ဖြတ်သန်းခဲ့ရတဲ့သမိုင်းကြောင်း၊ ရင်ဆိုင်ဖြေရှင်းခဲ့ရတဲ့ အတွေ့အကြုံများ၊ အမျိုးသားရေးစရိုက်လက္ခဏာများ၊ ပြောင်းလဲနေတဲ့ ပထ၀ီနိုင်ငံရေးအခြေအနေများ၊ ဒေသတွင်းနဲ့ နိုင်ငံတကာရေးရာ ဖြစ်ပေါ်ပြောင်းလဲမှုအခြေအနေအပေါ် မူတည်ပြီး ဖြစ်နိုင်တာ၊ ဖြစ်သင့်ဖြစ်ထိုက်တာတွေကို မှန်မှန်ကန်ကန်သုံးသပ်လုပ်ဆောင်ကြဖို့ အကြံပြုတိုက်တွန်းလိုပါကြောင်း။
ကျွန်တော်တို့နိုင်ငံဟာ ပါတီစုံဒီမိုကရေစီနိုင်ငံတစ်ခုအဖြစ် ခိုင်မာစွာ ထူထောင်နိုင်ဖို့ ဒီမိုကရေစီယဉ်ကျေးမှုနဲ့ ကျင့်စဉ်များကို ၂၀၁၀ ပြည့်နှစ် ရွေးကောက်ပွဲပြီးကတည်းက အရှိန်အဟုန်နဲ့ ဆောင်ရွက်နေတဲ့နိုင်ငံ ဖြစ်ပါတယ်။ ပါတီစုံဒီမိုကရေစီလမ်းကြောင်းကို လျှောက်လှမ်းဖို့အတွက် ၂၀၁၁ ခုနှစ်မှာကတည်းက ပြည်သူကရွေးချယ်တဲ့အစိုးရထံကို စနစ်တကျ လွှဲပြောင်းပေးအပ်ခဲ့ပါတယ်။ ယခုဆိုရင် ပထမ ၅ နှစ် သက်တမ်းကို လွန်မြောက်လို့ ဒုတိယ ၅ နှစ်သက်တမ်းကို ဆက်လက် လျှောက်လှမ်းနေပြီ ဖြစ်ပါတယ်။ ဒါကြောင့်လည်း လိုအပ်ချက်များကို နိုင်ငံရေးလမ်းကြောင်းအရ တစ်နည်းအားဖြင့် အစိုးရ၊ လွှတ်တော်လမ်းကြောင်းများကသာ ဒီမိုကရေစီ နည်းလမ်းတကျ တောင်းဆိုရယူကြရမှာဖြစ်ပါတယ်။ ဒါ့အပြင်ဒီမိုကရေစီရဲ့ အခြေခံမူများဖြစ်တဲ့ လွတ်လပ်စွာပြောဆိုခွင့်၊ ရေးသားခွင့်၊ ဆန္ဒဖော်ထုတ်ခွင့်နဲ့ အသင်းအဖွဲ့များ ဖွဲ့စည်းခွင့်စတာတွေကို ကျယ်ကျယ်ပြန့်ပြန့် ဆောင်ရွက်နေနိုင်ပြီဖြစ်ပါတယ်။ ဒီလို ဒီမိုကရေစီ နည်းလမ်းတကျ လုပ်ကိုင်ဆောင်ရွက်နိုင်ပြီဖြစ်တဲ့ အခြေအနေအချိန်အခါမျိုးမှာ လက်နက်စွဲကိုင်ပြီး မိမိတို့လိုချင်တာကို တောင်းဆိုတာမျိုး၊ လက်နက်ကိုင်လမ်းစဉ်ကို ဖက်တွယ်ပြီး လူမျိုးစွဲ၊ ဒေသစွဲကြီးမားစွာဖြင့် မိမိတို့ရဲ့ဆန္ဒကိုသာ ဦးစားပေးဖော်ဆောင် ဖန်တီးနေတာမျိုးတွေဟာ ဒီမိုကရေစီရဲ့ ဆန့်ကျင်ဘက် ဖြစ်နေတယ်ဆိုတာကို အလေးအနက် သတိပြုရမှာဖြစ်ပါတယ်။ ကျွန်တော်တို့ဟာယခုအခါမှာ ပါတီစုံဒီမိုကရေစီ လမ်းကြောင်းပေါ်မှာ လျှောက်လှမ်းနေပါတယ်။ ဒီလမ်းကြောင်းဟာ ပြည်သူများရဲ့ဆန္ဒနဲ့အညီ ရွေးချယ်လျှောက်လှမ်းခြင်း၏ဖြစ်ပြီး ဒီစနစ်ဟာ တည်တည်ငြိမ်ငြိမ်နဲ့ ခိုင်ခိုင်မာမာရှိဖို့လိုပါတယ်။ ဒီမိုကရေစီကျင့်သုံးတဲ့ ကမ္ဘာ့နိုင်ငံတစ်ချို့ရဲ့ ဖြစ်ပေါ်မှုများအပေါ်မှာ သင်ခန်းစာရယူပြီး ကျွန်တော်တို့နိုင်ငံဟာ တည်ငြိမ်အေးချမ်းစွာနဲ့ တိုင်းပြည်တိုးတက်အောင် ဆောင်ရွက်နိုင်ဖို့လိုပါကြောင်း။
ကျွန်တော်တို့အနေနဲ့ တိုင်းရင်းသားများနဲ့ တိုင်းရင်းသား လက်နက်ကိုင်အဖွဲ့များရဲ့ စိုးရိမ်ပူပန်မှုကိုလည်း နားလည်ပါတယ်။ ကျွန်တော်တို့အားလုံးရဲ့ဆန္ဒက တိုင်းရင်းသားပြည်သူအားလုံးအတွက် ညီညွတ်မျှတတဲ့ လူမှုစီးပွားဘ၀ လုံခြုံရေးနဲ့ အာမခံချက်ရရှိရေးဟာ အဓိကဖြစ်ပါတယ်။ အေးချမ်းစွာနေထိုင်ပြီး ကောင်းမွန်စွာ လုပ်ကိုင်ဆောင်ရွက်နိုင်ခြင်းဖြင့် မိမိဘ၀တိုးတက်ရန်ဖြစ်ပါတယ်။ ပြည်နယ်ကြီး/ငယ်၊ ဒေသကြီး/ငယ်၊ လူဦးရေများခြင်း/နည်းခြင်း၊ သယံဇာတများခြင်း/နည်းခြင်း၊ လူမှုစီးပွားကွာခြားခြင်းတို့အပေါ် အခြေခံမှု လုံးဝမပြုလုပ်ဘဲ တိုင်းရင်းသားအားလုံး ညီညွတ်မျှတတဲ့အကျိုး ခံစားရဖို့ ဆောင်ရွက်ကြရပါမယ်။ ကွဲပြားခြားနားမှုမရှိ ဖွံ့ဖြိုးတိုးတက်ဖို့အတွက် အချိန်တော့ ပေးရပါလိမ့်မယ်။ မိမိတို့လိုလားချက်ကို ရင်းနှီးပွင့်လင်းစွာ တွေ့ဆုံ ဆွေးနွေးခြင်းဖြင့် အဖြေရှာကြရမည်ဖြစ်ကြောင်း။
ဒီနေ့ကျင်းပတဲ့ညီလာခံကြီးဟာ လပေါင်းများစွာအချိန်ယူ ဆောင်ရွက်ခဲ့တဲ့ ညှိနှိုင်းဆွေးနွေးမှုတွေ၊ တွေ့ဆုံမှုတွေနဲ့ အကြိမ်ကြိမ် အပြန်အလှန်ယုံကြည်မှု တည်ဆောက်ခဲ့ခြင်းရဲ့ ရလဒ်တွေပဲဖြစ်ပါတယ်။ အခုအချိန်ကာလမှာ ကျွန်တော်တို့ရဲ့အားသာချက်ကတော့ ၂၀၁၅ ခုနှစ်၊ ဒီဇင်ဘာလအတွင်းမှာ ပြည်ထောင်စုလွှတ်တော်က ကန့်ကွက်သူမရှိ အတည်ပြုပေးနိုင်ခဲ့တဲ့ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် NCA ရှိနေခြင်းဖြစ်ပါတယ်။ ဒီစာချုပ်မှာပါတဲ့ အချက်အလက် အများစုဟာ စာချုပ်ရေးဆွဲတဲ့ကာလတစ်လျှောက် အတူတကွပါဝင်ခဲ့တဲ့ တိုင်းရင်းသားအဖွဲ့အစည်းများရဲ့ တောင်းဆိုချက် တွေကို အဓိကအခြေခံထားရေးဆွဲခဲ့တာဖြစ်ပါတယ်။ ဒါကြောင့် ယခုပြန်လည်ကျင်းပတဲ့ ပြည်ထောင်စု ငြိမ်းချမ်းရေး ညီလာခံ-(၂၁)ရာစုပင်လုံနဲ့ ဆက်လက်ကျင်းပမယ့် အစည်းအဝေးများမှာလည်း ဒီ NCA ကိုပဲ အခြေခံမူအဖြစ် ဆက်လက်ထားရှိ ဆောင်ရွက်သွားဖို့လိုအပ်ကြောင်း ပြောကြားလိုပါတယ်။ ဒါ့အပြင် ငြိမ်းချမ်းရေးလုပ်ငန်းစဉ်ကို အကောင်အထည်ဖော်ရာမှာ နိုင်ငံတော်နဲ့ တိုင်းရင်းသားပြည်သူလူထုရဲ့ အကျိုးစီးပွားကို ထာဝစဉ်ရှေးရှုပြီး စိတ်စေတနာထက်ထက်သန်သန်နဲ့ အချိန်တိုအတွင်း အကောင်အထည် ဖော်ကြဖို့ အကြံပြုလိုပါတယ်။ ငြိမ်းချမ်းရေးလုပ်ငန်းစဉ်များမှာ လိုအပ်တာထက် ပိုပြီးအချိန်ကြာလာရင် ဘေးပယောဂတွေ၊ ၀င်ရောက်စွက်ဖက်မှုတွေ၊ ကြိုးကိုင်ခြယ်လှယ်လိုတာတွေ ပိုမိုလာနိုင်ပြီး ရှိရင်းစွဲ ယုံကြည်မှုတည်ဆောက် ပြီးသားအရာများ ပျောက်ပျက်နိုင်ခြင်း၊ ပွတ်တိုက်မှုများ များပြားလာနိုင်ခြင်း တို့ကြောင့် ယခုလိုအကြံပြုပြောကြားရခြင်းဖြစ်ပါကြောင်း။
ဒီညီလာခံခန်းမအတွင်းမှာ ရောက်ရှိနေကြတဲ့ ကျွန်တော်တို့တစ်တွေရဲ့ တာဝန်ဟာ အလွန်ကြီးမားလှပါတယ်။ ကျွန်တော်တို့အပေါ် တစ်နိုင်ငံလုံးရဲ့ မျှော်လင့်ချက်ဟာလည်း မြင့်မားလှပါတယ်။ အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေးလုပ်ငန်းစဉ်များ ဆောင်ရွက်ရာမှာ လူမျိုးစွဲ၊ ဒေသစွဲ၊ အယူဝါဒစွဲ စတဲ့ အစွဲအလမ်းများကင်းရှင်းစွာနဲ့ အောင်မြင်ပြီးမြောက်သည်အထိ တာဝန်ယူဆောင်ရွက်ကြမည့်သူများအဖြစ် ပြည်သူတို့က အသိအမှတ်ပြု ခံထားရသူများလည်း ဖြစ်ပါတယ်။ ပြည်သူ့ဆန္ဒကို ဖြည့်ဆည်းပေးနိုင်ဖို့ ကျွန်တော်တို့ဟာ အပြန်အလှန် ယုံကြည်မှုတည်ဆောက်ပြီး ထာဝရငြိမ်းချမ်းရေးကို ရရှိစေနိုင်မယ့် သဘောတူညီမှုတွေကို ဆွေးနွေးညှိနှိုင်းရရှိမယ်လို့ ယုံကြည်ပါတယ်။ တိုင်းပြည်ရဲ့အားဟာ ပြည်တွင်းမှာသာ ရှိပါတယ်။ ကျွန်တော်တို့ တိုင်းရင်းသားအားလုံးဟာ ညီရင်းအစ်ကိုများ ဖြစ်တဲ့အတွက် မတူကွဲပြားမှုများကို ပြည်ထောင်စုစိတ်ဓာတ်အပေါ် အခြေခံပြီး ညှိနှိုင်းအဖြေရှာသွားရမှာဖြစ်ပါတယ်။ စိုးရိမ်မှုနဲ့သံသယစိတ်များကို ယုံကြည်မှုတည်ဆောက်ခြင်းဖြင့် ဖယ်ရှားသွားနိုင်မယ်လို့ ယုံကြည်ပါတယ်။ အမျိုးသားပြန်လည် သင့်မြတ်ရေးနဲ့ ငြိမ်းချမ်းရေးလုပ်ငန်းစဉ်များ အောင်မြင်စွာ အကောင်အထည်ဖော် ဆောင်ရွက်နိုင်ဖို့အတွက် အဓိကနှလုံးသွင်း ကြရမယ့်အချက် ၂ချက်ကတော့ “ တိုင်းရင်းသားစည်းလုံး ညီညွတ်ရေး မဟာဗျူဟာကို မျက်ခြည်မပြတ် ကျင့်သုံးခြင်း ” နဲ့ “ ထာဝရငြိမ်းချမ်းရေးရယူရန်အတွက် အမှန်တကယ်ဆန္ဒရှိခြင်း ” တို့ပင်ဖြစ်ကြောင်းဖြင့် ပြောကြားခဲ့သည