အခြောက်ခံရဖူးသူများ၏စကားသံများ

###moon_Ghost

# အခြောက်ခံရဖူးသူများ၏စကားသံများ #

( ၁ ) ကျွန်တော့်နာမည်အောင်တင့်ပါ..။ကျွန်တော်ကြုံခဲ့ရ
တာလေးပြောပြချင်ပါတယ်..။ကျွန်တော့်မိန်းမမီးဖွားတုန်း
ကပေါ့ဗျာ...။
လွန်ခဲ့တဲ့ (၈)နှစ်လောက်ကပေါ့..။မိန်းမဗိုက်နာလို့ညကြီး
မင်းကြီးဗျာ....ဖြစ်ချင်တော့အိမ်မှာကျွန်တော်နဲ့မိန်းမနဲ့နှစ်
ယောက်တည်းရှိတဲ့နေ့ဖြစ်နေတယ်။
မိန်းမကိုခဏထားခဲ့ပြီးအိမ်ဘေးကကားကိုအကူအညီပြေး
တောင်း..သူတို့ကလိုက်ပို့ပေးရှာပါတယ်။ကျွန်တော်
လည်းမိန်းမကိုဆေးရုံမြန်မြန်ပို့...၊ဆေးရုံက ဆရာမတွေဆီ
သေချာအပ်ပြီးတော့ မိန်းမမီးဖွားဖို့လိုအပ်တာတွေအိမ်ပြန်
ယူမယ်ပေါ့ဗျာ ......။ရုတ်တရက်ဆိုတော့ကျွန်တော်ဘာမှ
မယူလာခဲ့မိဘူး..။ရေနွေးဓါတ်ဗူး..၊စောင်..၊အ၀တ်အစား
တွေ..၊ကလေးအနှီး..အစုံပါပဲ..။အိမ်ကိုမြန်မြန်ပြန်ပြီးပြေး
ယူလိုက်ဦးမယ်မိန်းမရေ..လို့မှာခဲ့ပြီးအမျိုးတွေဆီကိုဝင်
အကြောင်းကြားမယ်ပေါ့..။
လိုက်ပို့ပေးတဲ့ကားကလည်းပြန်သွားပြီဆိုတော့ တက္ကစီတစ်
စီးစီးငှားပြန်ရမှာပေါ့လို့စဉ်းစားရင်းဆေးရုံအောက်ထပ်ကို
ဆင်းလာခဲ့တယ်ဗျ..။
ညတစ်ချက်တီးလောက်အချိန်ပေါ့..။ဆးရုံမှာလည်းလူသိပ်
မရှိဘူးဗျ..။တော်တော်များများကပုဂ္ဂလိကဆေးရုံတွေဆီပဲ
သွားမွေးကြတာကိုး..။ကျွန်တော်ကတော့သိပ်မချောင်လည်
တော့မသွားနိုင်ဘူးပေါ့ဗျာ..။
ဆေးရုံရှေ့ရောက်တော့ တက္ကစီငှားဖို့ရှာတော့ကားတစ်စီး
မှမတွေ့ဘူးဗျ..။ဆေးရုံအ၀င်ဝနဘေးမှာသစ်ပင်ကြီးတစ်ပင်
ရှိတယ်..။
အဲ့အပင်အောက်မှာမိန်းမတစ်ယောက်..၊မွေးကင်းစ
ကလေးကိုချီပြီးထိုင်နေတာတွေ့လိုက်ရတော့..သြော်သူလည်း
ငါ့လိုပဲကားစောင့်နေတာနေမှာလို့တွေးလိုက်မိသေးတယ်။
ကျွန်တော်လည်းဟိုကြည့်ဒီကြည့်ပေါ့..ဟိုးခပ်ဝေးဝေးမှာ
တက္ကစီတစ်စီးလာနေတာတွေ့တော့..ကျွန်တော်သူ့ကိုလှမ်း
ကြည့်လိုက်တယ်..သဘောက..ခင်ဗျားအရေးမကြီးရင်ကျွန်
တော်ငှားပါရစေပေါ့..။
သူကနားလည်သလားမသိဘူး...။မတ်တပ်ထရပ်လိုက်ပြီး
ကျွန်တော့်နားလှမ်းလာတယ်ဗျ..။ကျွန်တော်လည်းသူဘာများ
ပြောမလဲလို့စောင့်နေတာပေါ့..။
အနားရောက်တော့စကားမပြောဘူး..။ကျွန်တော့်ကိုပဲစိုက်
ကြည့်နေတယ်..။ကျွန်တော်လည်းကြက်သီးထလာသလိုဖြစ်
လာသေးတယ်..။
" ခစ်..ခစ်.. "
ရယ်သံကြားလိုက်လို့..ကလေးဆီကိုငုံ့ကြည့်လိုက်တော့ဗျာ..
မွေးကင်းစကလေးက..သွားတွေနဲ့ရယ်ပြနေတာဗျ..မွေးကင်း
စအရွယ်ကလေးငယ်မှာ..လူကြီးတွေလိုသွားအပြည့်အစုံရှိ
နေတယ်ဆိုတာဖြစ်နိုင်လားဗျာ....။ကျွန်တော်လည်း...
ကြောင်တောင်တောင်ဖြစ်နေတုန်းမှာပဲ အနားကိုကားရပ်သံ
ကြားတော့ကားပေါ်ပြေးတက်တော့တာပဲ..။
" မောင်း..ဗျို့..မြန်မြန်သာမောင်းအစ်ကိုရေ.."
ကားဆရာကအစကကြောင်နေသေးတယ်..။ပြီးမှသူလည်း
မောင်းပြေးပါလေရောဗျာ..။သူကအဲ့ကလေးနဲ့သရဲမကိုတွေ့
တယ်လေ..လမ်းမှာကျွန်တော့ကိုတောင်ခဏခဏလှမ်း
လှမ်းမေးသေးတယ်..။
" ခင်ဗျား..လူအစစ်ပါနော်.. " တဲ့...။

( ၂ ) ကျွန်မဆေးရုံလူနာစောင့်ရတုန်းကအဖြစ်အပျက်လေးပါ။
အစိုးရဆေးရုံဆိုတော့လူနာတွေကဟောခန်းမှာကုတင်ကိုယ်စီ
နဲ့တက်ရတယ်..။အမျိုးတစ်ယောက်ဆေးရုံတက်လို့လူနာစောင့်
ပေးရပါတယ်။
ကျွန်မကညဆိုအိမ်သာတက်တတ်တဲ့အကျင့်ကပြင်မရသေးဘူး။
လူနာစောင့်ပါတယ်ဆိုညရောက်တော့အနောက်သွားချင်လာ
ပါလေရော။
ဆေးရုံဆိုသရဲခြောက်ခံရဆုံးနေရာလို့ပြောတတ်ကြလို့တစ်ယောက်
တည်းလည်းမသွားရဲပြန်ဘူး..။မသွားရဲတော့စိတ်ကိုတင်းပြီးနေ
ပါသေးတယ်။မရတဲ့ဆုံးဆုံး..ကြောက်ကြောက်နဲ့အိမ်သာဖက်
ထွက်လာခဲ့မိတယ်ပေါ့။
အိမ်သာနဘေးမှာလူနာခန်းတစ်ခန်းရှိသေးတယ်လေ။အဲ့လူနာ
ခန်းကတံခါးပိတ်ထားတယ်။အခန်းထဲကိုမှန်ပြူတင်းပေါက်ကနေ
ကြည့်ရင်မြင်နေရတာပေါ့။ကျွန်မလည်းမှန်ကနေအထဲကိုကြည့်
လိုက်တော့...အဒေါ်ကြီးတစ်ယောက်.တဘက်လေးတစ်ထည်
ကိုခေါင်းမှာပေါင်းပြီးထိုင်နေတာကိုတွေ့လိုက်ရတယ်။
ကျွန်မအားတက်သွားမိပါတယ်။အိမ်သာနဲ့အနီးဆုံးမှာဒီအဒေါ်
ကြီးရှိတယ်လေ..။ကျွန်မစိတ်ချလက်ချဖြစ်ပြီးကိစ္စရှင်းလိုက်
တယ်။ပြန်ထွက်လာတော့ကျွန်မပြန်ချောင်းးကြည့်လိုက်သေး
တယ်။
အဲ့အဒေါ်ကြီးကနေရာတောင်မရွှေ့ဘူး..။အဲ့တိုင်းလေးပဲထိုင်
နေတုန်း..။ကျွန်မလည်းအိပ်မပျော်တာနဲ့လူနာသတင်းလေး
ဝင်မေးဦးမှဆိုပြီးအခန်းဖက်ပတ်လျှောက်လိုက်တာပေါ့။
အဲ့အခန်းတံခါးကိုဆွဲဖွင့်လိုက်တဲ့အခါမှာ..လူနာခန်းကဟော
ကြီး..လူတစ်ယောက်မှရှိမနေဘူး..။
ကျွန်မတော်တော်လန့်သွားခဲ့တယ်။မှန်ပြူတင်းကနေကြည့်
တော့အဒေါ်ကြီးတစ်ယောက်ထိုင်နေတာကိုသေချာတွေ့
လိုက်ရတာပါ။အခန်းထဲဝင်ကြည့်တော့ရှိမနေဘူး..။သူအပြင်
ထွက်တယ်ဆိုရင်တောင်ကျွန်မဖက်ကိုပဲလာဖို့လမ်းတစ်လမ်း
တည်းရှိတာပါ။
ကျွန်မကြောက်လန့်တကြားပြေးပြီးတုန်နေမိတော့တယ်။
အဲ့ကတည်းကခုထိညအိမ်သာတက်တတ်တဲ့အကျင့်ပျောက်
သွားပါတော့တယ်။

( ၃ ) ကျွန်မနာမည် မသီတာပါ..။ကျွန်မကအိမ်မှာအိမ်ဆိုင်
လေးဖွင့်ထားပါတယ်။အိမ်ဆိုင်ကကျွန်မတစ်ယောက်တည်း
ရောင်းတာပါ။အိမ်ကလူတွေကအလုပ်တဖက်၊ကျောင်းတစ်
ဖက်ဆိုတော့မအားကြပါဘူး။.
ကျွန်မတို့အိမ်ကလမ်းမကြီးဘေးပါ။ကုန်းပေါ်လည်းကျပါ
တယ်။ညနေခင်းအချိန်ဆိုဟိုးအောက်ဖက်ကုန်းဆင်းနား
ကဒေါ်တင် ဆိုတဲ့အဘွားတစ်ယောက်ကလမ်းလျှောက်
နေကြ။လမ်းလျှောက်ပြီးမောရင်အိမ်နားမှာခရီးတစ်ထောက်
လာလာနားတာပေါ့။
အခုတလောအဲ့အဘွားကိုမမြင်တာကြာပြီ။လမ်းလျှောက်
မထွက်ဘူးလားမသိဘူးလို့တောင်တွေးနေမိပါသေး
တယ်။နောက်ရက်ညနေခင်းရောက်တော့ဒေါ်တင်က
မောလို့လာဝင်နားပါတယ်။
ကျွန်မလည်းမလာတာကြာနေပြီ..သတိရနေတာလို့တောင်
ပြောလိုက်ပါသေးတယ်။အဘွားကငါလည်းသတိရလို့ဝင်
လာတာလို့ပြန်ဖြေပါတယ်။
ပြီးတာနဲ့ခါတိုင်းလိုပဲပြန်သွားတယ်ပေါ့။နောက်နေ့မနက်
ရောက်တော့အိမ်ကိုဖိတ်စာရောက်လာတယ်။
အသုဘဖိတ်စာပါ။ဒေါ်တင် အသက်( ၇၄ )နှစ်တဲ့။ကျွန်မ
တော်တော်အံ့သြသွားမိပါတယ်။သူဆုံးတဲ့အချိန်က
နေ့လည်( ၂ )နာရီတဲ့လေ..။
မနေ့ညနေခင်း (၃)နာရီ (၄)နာရီလောက်ကကျွန်မဆိုင်
မှာခရီးတထောက်ဝင်နားသွားသေးတယ်။အချိန်များမှား
နေလားလို့မေးကြည့်တော့..မှားစရာအကြောင်းမရှိပါ
ဘူး..။ဒေါ်တင်ဆုံးတာဆေးရုံမှာပါတဲ့။
ကျွန်မကိုနှုတ်ဆက်သွားတာနေမှာပါ။

     ********************************************
ဤအကြောင်းအရာများသည်အမှန်တကယ်အခြောက်ခံ
ရဖူးသူများ၏ကိုယ်တွေ့ဖြစ်ရပ်များကိုရေးသားထားခြင်း
သာဖြစ်ပါသည်။နောက်ထပ်တွင်လည်းဖော်ပြပေးပါဦး
မည်။

သော်တာလမင်းစန္ဒာ
( 9.1.2015 )